ovid_4.txt

来自「R-Project是一个开源的统计软件,专门有一个R语言,类似S语言,这个包里面」· 文本 代码 · 共 18 行

    scit bene venator, cervis ubi retia tendat,
         scit bene, qua frendens valle moretur aper;
    aucupibus noti frutices; qui sustinet hamos,
         novit quae multo pisce natentur aquae:
    tu quoque, materiam longo qui quaeris amori,

         ante frequens quo sit disce puella loco.
    non ego quaerentem vento dare vela iubebo,
         nec tibi, ut invenias, longa terenda via est.
    Andromedan Perseus nigris portarit ab Indis,
         raptaque sit Phrygio Graia puella viro,

    tot tibi tamque dabit formosas Roma puellas,
         'Haec habet' ut dicas 'quicquid in orbe fuit.'
    Gargara quot segetes, quot habet Methymna racemos,
         aequore quot pisces, fronde teguntur aves,
    quot caelum stellas, tot habet tua Roma puellas: